Programa PAE
PROGRAMA PAE
(Apoio específico a nenos e nenas con TDAH)
O TDAH é un trastorno que afecta do 3 ao 5% dos nenos e nenas en idade escolar e que se manifesta en niveis de atención, concentración, actividade, distracción e impulsividade inadecuados para a súa idade. Calcúlase que entre un 30 e un 60% dos nenos e nenas con este trastorno seguirá con síntomas na idade adulta.
Este trastorno , reflicte situacións complexas , a miúdo ligadas a diferentes patoloxías , que manifestan múltiples expresións do sufrimento infantil afectando a aspectos fundamentais da vida do neno/a. Dende moi pequeno pode sentirse alleo ao grupo de amigos e compañeiros e percibir o rexeitamento en varios ámbitos en relación ao conflito que o seu comportamento crea no entorno. Ten dificultade para fixar a atención, seguir unhas pautas sinxelas de comportamento ou recordar a necesidade de realizar tarefas, o que a miúdo o leva ao fracaso escolar, baixa autoestima, inseguridade afectiva, etc.
O tratamento dos nenos/as con TDAH depende de cada caso individual, implicando simultánea e coordinadamente terapéutica psicolóxica, farmacolóxica, psicopedagóxica e psicosocial. Ningunha destas modalidades é única e exclusiva, nin pode suplir ás demais.
Información e contacto
FANPA Pontevedra: r/ Xan Guillerme 9, 986 843 412 ou no e-mail actividades@nontedurmas.org
ANIAS: r/ Echegaray 39, 986 864 598/ 615 780 528 ou no e-mail extraescolares@anias.es